Kangaamiut
18.11.45
ivalen@greennet.gl

EFRAIM  OLSEN-imik ateqarpunga 181145-mi inuuvunga  aalisartoq  piniartorlu. Qeqqata Kommunianut qinigassanngorteqqullunga aperineqarama akuersisimavunga ilaquttamalu tapersersormannga, minnerunngitsumik “Siumut Kangaamiut” qinigassanngortitaqarnissaq kissaatigimmassuk pisarnittut  sassarpunga  ukiut 4-rat qinikkatut sulisimananga  kisianni  ukiorpassuarni qinikkatut sulininni  misilittakkakka aallaavigalugit pisarnittut inuiaqatima  sullinnissaanut   sulerusussuseqarlunga.

Anguniakkakka

Sanaartugassatigut aningaasat sulisinneqarnerisigut soorlu makkuusinnaapput: 

Utoqqaat nammineersinnaanerusut inissaannik  50/50 atorlugu sanaartorneq, inuusunnerusunut inissat anginngitsunik sanasoqartarnissaa,  tamatumani inissiat isaterneqartut taarserneqarsinnaaqqullugit   taamaaliornikkut    inuusuttut  Nunaqarfimminniiginnarnissaat  qularnaarneqarsinnaavoq.

Nunaqarfimmi aqqusinniornikkut  periarfissat atorlugit sulisitsineq, sulisitsinikkut aningaasat ilai kommunimut utissaqqaarput akileraarutit aqqutigalugit.

Nunaqarfinni meeqqeriveqarneq.

Nunaqarfiit ilaanni soorlu Kangaamiuni meeqqerivik akuerineqaannarsinnaajunnaarpoq  ukiut 50-sit sinnerpai pukkippallaarneralu pillugu Qeqqata kommunia unioqqutitsivoq sanaartornermi inatsisit tunngavigalugit, tamakkua sioqqullugu sanaajuneranut tunngasut utoqqatissutissaajunnaarpoq piaartumik taarserneqartariaqarpoq, allatuulli suli inunngortoqartuarpoq taakkununnga naleqqunnerusumik pilersitsisoqartariaqarpoq.

Anguniakkakka 

Qeqqata Kommunianut qinigassanngortsinninni soorunalimi Partii “Siumut”-p qinigassanngortitaasa ataatsimut qineqqusaarutaat tunngavigalugu ataatsimut qineqqusaaruteqartussaavugut “Kommunini tamani  Tamanut periarfissat pitsaanerusut” qulequtaralugu. Soorunami uanga nammineq Nunaqarfimmiuunera tunngavigalugu  minnerunngitsumik ukiuni sisamani (4) Nunaqarfitsinni susoqanngippallaarnera tunngavigalugu sassarpunga  taamaalu inuttut nammineq sulissutigerusutat matumuuna taarusutakka makkuupput:

Kangaamiut inuerukkiartornerata illuanut saattinnissaanut qanoq iliuuseqarsinnaavugut ?

Soorunalimi inuussutissarsiutitigut siuarsaanissaq, soorlu talittarfeqarnikkut piorsaanissaq, aalisakkeriffeqarnikkut siuarsaanissaq, nukissiuuteqarnikkut ineriartortitsinissat, takornariaqarnikkut nunaqarfimmiut peqataatinnerunissaat, minnerunngitsumillu  Aalisartut  Piniartullu atugaasa pitsanngorsarnissaat allagartat aalisarnermut tunngasut  piniarnermut allagartanik pissarsiniarnermi kommuunimut nuunneqarneranni akisussaaqataanissat, ataatsimiititaliaq suleqatigalugu.  

Nunaqarfinni Pinaveersaartitsinermi sulineq

Ullumikkut Nunaqarfinni pinaveersaartitsinermi  atorfiit  inuttalerniarneri ajornartorsiorfiupput pissutigalugu atorfik ullup affaannaanut atorfiummat. Taamaattumik suliffiup ilivitsup pissarsiarineqarnissaa pingaaruteqartorujussuuvoq pingaartumik meeqqat inuusuttullu isumagineqarnerat tunngavigalugu, aammalu Nunaqarfimmi suliffiit annerusumik aningaasarsiorfiusinnaasut  pilersinneqarpata inuerukkiartorneq   pakkersimaarneqarnerussaaq. 

Nunaqarfinni   Nukissiuutitigut siuarsaanerit unittooqqasut ingerlateqqinneqartariaqarput Nukissiorfiit suleqatigalugit ukiorpassuit ingerlanneqartut misileraanerit  piviusut atorlugit ingerlanneqartariaqalerput. 

Nunaqarfinni Anartarfinnik eqqaasoqarneq eqqarsaatigalugu kuuffissualersuineq imminut akilersinnaanngilaq aammalu akisoorujussuulluni, ullumikkut nunani allani mingutitsinnginnissaq anguniarlugu teknik atorluarneqaqaaq. Anartarfiit nammineq imaartakkat kissaq atorlugu annanik suujunnaartitsi- sartut atugaalersimapput. Nunaqarfinnullu naleqquttuusut qularnanngilaq, taamaaliornikkut kommuni innuttaasullu ukiuni aggersuni sipaaruteqarsinnaapput. Tamannalu anguneqarsinnaavoq Namminersorlutik Oqartussat suleqatigalugit.
Taamaaliornikkut Illoqarfinni Nunaqarfinnilu inuit atugarisaasigut ullumikkornit naligiinnerusumik ineriartortinneqassapput.

Aqquserngit sioraannanngitsunik qallerlugit soorlu Kangaamiunisut, asfalti nillertoq atorlugu nunaqarfiit aqquserngi ukiorpassuarni piusussamik qallerneqarsinnaapput. Pingaartumik biileqarfiunngitsuni kommuni  iluarsaarusaarnernut sipaaruteqarsinnaavoq. 

Puttasunik talittarfiit amerlisartariaqarput nuannaariartaataanerusunik angallataatillit nammineerlutik pilersitisinnaanerat.