Niaqornat
21.10.61
joek@qaasuitsup.gl

 

Ilisaritinneq:

JØRGEN KRUSE-mik ateqarpunga Niaqornarmiuuvunga. 21.oktober 1961 Niaqornani inunngorpunga qaasuitsup kummuuniani avannarlermi 4.april 2017 qinersinissami partii siumut tunuliaqutaralungu qineqqusaarpunga, misigisimavunga Qaasuitsup kummuuniani avannarlermi politikkimi suleqataasinnaallunga Kommunalbestyrelsemi suleqataaqqinnissannut uannut tatingivunga nukissaqarlungalu,  aammalu ilissi qinersisartut tatingalusi ilissilu peqatingalusi sullisseqataasinnaanera upperalungu oqaatingaara.

Aalisarnermik piniarnermik inuutissarsiuteqarpunga tamannalu inuutissarsiutinga ukiup qanoriliartornera malillugu ilaqutannguakka peqatingalugit aalisarneq piniarnerlu ingerlattarlugit.

Anguniakkama ilai uani qulequtanngorlungit ilanngutilaarpakka

AALISARNEQ:

Aalisarfiit aalisariaatsillu aalisartut peqatingalungit nakkutingineqarluarnissaat kommuunerisassatsinni pingaaruteqartuassaaq.
Aalisartut aammalu kommuunimi nunaqarfinnilu aqutsisuni qinikkat tunisassiorfinnut tunngasunik suleqatingiiffiusinnaasut qanimut paaseqatingiiffiusumik suleqatingiittarnissaat pingaartippara (assersuut) nunaqarfinni illoqarfinnilu tunisassiorfinnut tunngasunik tunisiniartarnernut tunitsiviillu uninngatinneq-arneri sapinngisamik aalisartunut annikinnerpaamik utaqqiffiusarnissai ilusilersuinikkut suleqataaffingissuara.

Aammalu avannaani qaleralinnut aqutsiveqarfiit pingasuusut tassa uangut avannarliit kommuunerisassatta iluaniittut Ilulissat qeqertarsuup tunuani ilaangaluaq uummannap upernaviullu aqutsiveqarfii aammalu Qaanaaq nalunngisatsitut qaleralinnut aalisarfinngornikuusoq  kommuuni peqatingilluinnarlugu aammalu aalisartut peqatingiiffii peqatingalungit avannaani qaleralinniarneq kommuunimiik malinnaaffingineqarluarluni peqataaffingineqarnissaa pingaartippara.

PINIARNEQ:

Nalunngilarput kommuuneqarfissarput millingaluartoq sineriak annertoorujussuaq piniangassarpassuit najungaringaat massakkut kommuuneqarfissatsinni piniangassarpassuit killilersukkat qilalukkat aarrit nannut tikaagulliit aammalu timmissat nalunngisatsitut killilersugaaqisut innuttaasunut pitsaasumik kingunilimmik ilusilersorluakkamillu piniarneqartarnissaat periarfissat najoqqutaralugit pingaartippara aammalu piniangassarpassuit allat ilanngullungit eqqarsaatingaakka.

Nunami uumasut umimmaat tuttullu eqqarsaatingalugit kommuuneqarfissatsinni taakkunani illoqarfiit sisamat tamarmik piniakkanik taakkuninnga piniangassaateqarput taakkualu aamma piniakkani siuliini taakkartukkanni  pinngortitalerisut suleqatingalugit piniartitsisarnissaq kommuunerisassatsinni ilusilersorluakkamik ingerlanneqartassooq.

Piniariarnermi aalisariarnermi illuaqqat piniariartarfiit aserfallattaalineqarneri pisariaqarpoq pisariaqartunilu illuaqqanik nutaanik sanasoqartarnissaa pingaaruteqarpoq tassami nalunngilarput kommuuneqarfissarput aalisarnermik piniarnermik annertuumik inuutissarsiorfiusoq.

Aalisarnermik piniarnermik inuutissarsiuteqarluni sumiluunniit uninngariataarsinnaaneq silap pissutaanik akornuteqarluni aammalu aalisariarluni piniariarluniluunniit taamaattunik akunniffeqartarsinnaanera kommuuneqarfissatsinni pinngitsoorsinnaanngilarput illuaqqat eqqarsaatingalugit.

TUNISASSIORFIIT:

Illoqarfinni nunaqarfinnilu tunitsiveqarnermut attuumasuteqartunut pisariaqarpoq ilusilersuinermi kommuunip avaqqunneqartannginnissaa, soorlu makkunuunatingut  pingaartumik nunaqarfinni tunisassiorfiit qerititsiviisa tungaasigut sapinngisamik annertusaasoqarnissaa kommuuni suleqataalluni saneqqunneqarsinnaanngilaq.

INUNNIK ISUMANGINNINNEQ:

Utoqqarnik sulisinnaajunnaarnersiutilinnillu sullissineq qanimut malinnaavingineqassaaq sullissisoqarlunilu.

Innarluutillit pittaasumik sullinneqarnissaat pingaartippara aammalu meeqqanut tunngasut pittaasumik kommuunimi sullissisuniik sullinneqarnissaat anguniakkama ilangaat.

kommuunitsinni pinaversaartitsisut assingiinngitsunik sullitallit imingassamut ikiaroornartumullu kattorsaasartut- meeqqanut inuusuttuaqqanullu  kinguaassiuutitingut atornerlunneqarsimasut pillungit oqaloqatinginnittartut kummuuneqarfissatsinni angalatinneqartarnerat pisariaqarluinnarpoq tamannalu massakkorpiaq qujanartumik atorluangaavoq qaasuitsup kommuuniani  taamatullu aamma inuttut illersungaanerput pillungu atornerluisuusut oqaloqatingineqartarnissaat pisariaqarluinnarpoq inuunerminni ingerlariaqqinnissaat pittaasup tungaanut anguniarlugu  tamakkuninnga katsorsaasut assimngiinngitsut pisariaqartippavut,  soorlu makkua imingassamut ikiaroornartumullu kattorsaasut aammalu massakkut qaasuitsup kummuuniani suleqatingineqarluartoq SAAFFIK Nuummi angerlarsimaffilik assingiinnitsunik sammisaqartartoq katsorsaariaatsinut assingiinngitsunut.

kommuuneqarfissatsinni meeqqat illersuisuat MIO annertuumik suleqatingineqarnissaa anguniarusuppara suleqataaffingalungulu nalunnginnakku qaasuitsup kummuuniani annertuumik iluaqutaasoq pisartunut sakkortuunut tunngatillungu.

Qaasuitsup kummuuniani avannarlermi  annertuumik pisoqartillungu soorlu ajutoortoqarpat imaluunniit illoqarfinni nunaqarfinnilu annertuumik pisoqartillungu pisoqarfiusunut orningukkasuarlutik oqaloqatinginnittartut pisariaqarluinnartutut isingaakka taamaattumillu piareersimasoqartuaannarnissaa suliniutingissuara massakkutuut pisoqaannarnissaa eqqarsaatingalungu.

Nunaqarfinni ikiuisartoqarneq utoqqarnut sulisinnaajunnaarnersiutilinnullu illersorpara taamatullu aamma utoqqaat illui illoqarfinni malinnaavingilluarnissaai inissat tungaatingut suleqataaffingerusuppara.

Aammalu Uummannap nunaqarfiini saattuni ikerasanni qaarsunilu utoqqaat pisinnaannginnerusullu innarluutillit najungarisaat piujuaannarnissaat illersorpakka soorlu ukiuni siuliini qiningaaffimma atuuffiani matuniarneqaleraluarmata ilungersorlunga ingerlanginnarnissaat anguniarsarisimavara tamannalu angusimallungu.

Nunaqarfinni inuusuttut ornittangaat unnukkut sammisasaqartitsisarneq assingiinngitsunik sammisaqartarneq tapersersorpara tassami ilaatingut inuusuttuaqqat sammisassaaleqileraangamik assingiinngitsunik atornerluiniakujunnerit tillinniarnerillu pinerlunniakujunnerillu sammilertarmatingit (ajuusaaraluarpunga taamatut assersuusiorama) kisianni tassa ilaatingut taamaattoqalertarpoq.

SANAARTORNEQ:

illuliortiterneq unittooqqasoq aallarteqqittariaqarpoq naalakkersuisut kommuunilu suleqatingiinnerisingut.

Illoqarfimmi soorlu Uummannami aalisartut Uummannap eqqaamiuvi ilaatingullu Uummannarmiut umiatsialeriniarunik aammalu aalisarnerminni pingaartumik ukiuunerani neqitsersortarfeqanngillat tamanna malersortariaqarparput qinikkatut suleqataalerutta.

Qaasuitsumi avannarlermi nunaqarfinni umiatsialivingissuni puttasoqarneq piorsartariaqarpoq.
Nunaqarfinni sannaveqarneq sannavinnilu  aserfallassimasunilu iluarsaaneq tiknikkeqarfik suleqatingalungu iluarsaaneq pisariaqarpoq.

MEEQQERIVIIT ILLOQARFINNI AAMMALU NUNAQARFINNI:

Uummannaq eqqarsaatingalugu meeqqerivik allineqarsinnaanera saneqqunneqarsinnaanngilaq tassami massakkut isumaqarama Uummannaq inuttusiartulersoq aammalu nunaqarfinni meeqqeriviliornissaq siunissami takorloortariaqarparput assersuut Upernaviup nunaqarfiini marluk taamatullu aamma Uummannap nunaqarfiini marluk tassani takorloorpakka nunaqarfiit suliffissuaqarfiusut sanaartorfiunissaat tassami nunaqarfiit aalisartoqarfiusut suliffissuaqarfiusullu siunissami sanaartorfinginissaat saneqqunneqarsinnaanngilaq tamatumalu kingunerissuaa meeqqat paaqqutarineqartartut atualernissaminnut piareeqqanerullutik atuarfimmut isertarnissaat aammami nunaqarfiit inuttusiartorput aalisakkanik suliffissuaqarfiusut nalunngilarput taamaattumik piorsartariaqarpavut.

ATUARFEQARNEQ ILINNIARTITAANERLU:

Illoqarfinni nunaqarfinnilu atuartut atungarisaat sapinngisamik pittaasumik ilinniartitaanikkut akuutinneqarnissaat pisariaqarpoq aammalu nunaqarfinni ilinniartitsisoqarneq ilinniarsimasunik tapersersortuassuarput aammalu taamatut nunaqarfinni iloqarfinnilu time-læreqarneq atuukkallarnissaa qularnanngimmat taamaattumik time-læret pikkorissartuartarnissaat pisariaqartutut suleqataaffingerusuppara.

NUNAQARFINGA ILOQARFINGA SALINGAATSOQ:

Kommuunerilingassatsinni nunamik saliisarneq piumassutimik pisartuarnissaa qularinngilara tamannami siusinnerusumili misilittangaqarfingaarput kisianni kummuunerilingassatsinni isumaqarpunga suliffissaqartitsinerup tungaatingut inunnik sulisitsilluni arlaqanngikkaluanik nunap najukkatta isingiuminartuunissaa tamatsinnut iluaqutaajumaartoq, imatut paasillungu nunaqarfimmi taamatullu illoqarfimmi nunami angalaartoq eqqaaviup puussaanik nassarluni ingitassanik saliilluni.

TAKORNARIAQARNEQ:

Kommuunerilingassatsinni avannarlermi takornarissat tikilluaqqusariaqarpavut kommuunitsinnut nunatsinnullu iluaqutaassaaq nunaqarfipput illoqarfipput takornarissanik tikittoqartartillungu tassami qularnanngimmat Ilulissat mittarfiat allilerneqarpat takornarissat avannaanukartartut annertuumik amerliumaartut, taamatullu aamma Uummannami takornarissanik sullitaqarusuttut sullissilereertullu tapersersorlugit tikilluaqqusariaqarlutigit.

Qaasuitsup kommuuniata avinneqarnissaanut siunnersuuteqaratta  suliaq aallartimmat suleqataanikuungama oqaatingissuara aamma kummuunissatsinni nutaassami suleqataanissara piareersimaffingaara eqqarsaatikkullu nukissaqarfingalungu piareersiaffingaara.

NAGGASIINEQ:

Qaasuitsup kommuuniani avannarlermi qinikkatut sulilertussani qinikkatullu suleqataaqqilissaguma pisarnittut inuuninni tunniussimallunga  misilittakkat aallaavingalugit ilungersuuteqassaanga.
Inuit atungarisaasa pitsanngorsarnissaat suleriutsillu eqaallisarnissaat pisariaqarpoq.
Misilittangaqarneq nakooqqutigalugu innuttaasunillu suleqateqarneq pingaartilluinnassuakka, illit qinersisartoq aammalu inuusuttunnguit qinerseqqaartussat qinersilluarisi qinikkatut suleqataassallunga piareersimavunga, tassa illit uangalu aaliangingassarput.

QINERSILLUARISI SULEQATAALLUARISILU

Jørgen Kruse, Siumut