Narsarmiit
11.01.58
thj@greennet.gl

Ilisaritinneq

Thybo Jakobsen  inuusoq 1958 narsarmijini 110158
Ukiut 36-vit suliffiga suliffigaara assut nuannaralugu.

Siumut sinnerlugu qinigassanngortippunga isumaqarama nunaqarfiit aallunneqarneri annikippallaartoq, aammalu sulissutigerusullugu suliffisamik aalajangersimasumik amerlanerusut piumallugit kissaatigalugulu.

Anguniakkakka

Nunaqarfiit piorsarnissaat
Nunaqarfiit ukiuni makkunani oqallisaaneranni manna nunaqarfinnguara ilaatinneqarpoq inuit ikiliartornerat, pissutaaluni taamaatumik, nipangersimaannarnanga suleqataarusuppunga, aammalu suliffisanik nassaarniaqataarusullunga tapersersuillungalu suliffissanik nassaaniartunut.

Ukiorpassuit  silami sulisartut annerusumik sulisarput eqqagassat kiisalu anartarfilerinerni, annerusumik aqunneqaratik. Taamaatumik aqutsisulernissaat anguniarpara.
Anarfiit eqqaaviat maannamut kuitsiveqanngiteq sulissutiginissaa illuaqamik kuitsivijusinnaangorlugu. Aammalu eqqakkat ikuallaaviliorlugit, maanamummi anori apeqqutaalluni ikuallaasarmata.

Sannavit ukiorpassuarni nappasoq maana assut aserlallasimaqisoq, nutaamik sanasoqarnissaa anguniakkama ilagilluinnarpaat, umiatsiaaqqanut atorluarsinnaangorsarlugu

Atuarfiit
Atuarfiit nutaarternissaat kissaatima ilagilluinnarpaat ullutsinnut nalequttumik
Pingaaruteqarpoq angajoqqaat suleqatigilluinnarnissaat.

Sunngiffinni sammisassat
Sunngifimmi sammisat amerlanerusut, aammalu pinaveersartitsineq ammanerusoq meeqqanut inuusuttunut inersimasunullu, kiisalu peqatigiifinnut.

Takornariaqarneq
Takornariaqarneq kujataani periarfissat amerlaqaat avannarpasinnerusumi kujasinnerusumilu. Uunartoq kuussuaq kiisalu kujaterpiaani nunarsuaq aliannaaqisoq nalissaqanngitsoq.

Nunatta pissarititai atorluarneqarsinnaasut
Nunatta pissaritsitaa soorlu:
Upernaakkut natsersuit
Kuannit seernat, ukiassamilu paarnat atorluarlugit, sunut tamanut.

Sullinneqarneq
Allaffissorneq eqaannerusoq.
Maanna saaffiginnineq eqarpallaartutut isigivara, inuit qanimut sullinneqassappata, saaffissat suuneri sumiinnerilu innutaasut ilisimasariaqarpaat sumut saaffiginnissallutik.

Qinersilluarisi

Thybo Jakobsen