Qaqortoq
23.08.77
monicadorph@hotmail.com

Monica Dorph, Siumut

Kujataaniit nuuttartut annikilliartortinissaa anguniarlugu illoqarfiit nunaqarfiillu siunissami ineriartortinneqarnissaat anguniarlugu periusissamik pilersaaruasiortariaqarpugut makkuninnga anguniagaqartunik:

 

  1. Innuttaasunik kiffartuussineq pitsaasoq
  2. Inissiat pitsaasut
  3. Meeqqat atuarfii ilaqutariillu atugaat pitsaasut
  4. Sunngiffimmi sammisassat pitsaasut
  5. Inuutissarsiorneq suliffisaqarnerlu periarfissat pitsaasut

 

Illoqarfinni nunaqarfinnilu kommunep innuttaasunut sullissinera kiffartuussineralu pitsaanngorsartuarnissaa qulakkeerneqartariaqarpoq.

Kommune kujallermi ukiunut arlaqartunut inissianik pitsaasunik nukissiuutinillu il. il. sanaartorneq pilersaaruteqartariaqalerpugut.

Nunaqarfinni atuarfiit aserfallannikut piaartumik aaqqiivigineqartariaqarput, sulisullu pitsaasunik ineqartinneqarnissaat qulakkeerneqartariaqarpoq.

Kommune Kujallermi Meeqqat Atuarfii pitsanngorsarniarlugit  isumaginnerni siunnersorteqalernissaat skolefe-qalernissaallu anguniarneqassapput

Familiecenter Qaqortumi nutaamik ullutsinnut tulluartumik peqalernissaa anguniarneqassooq.

Ilaqutariinnerup isumaa maligassiunissarlu aqqutissiuunniarlugu minnerpaamik ukiumut marloriarluni ulloqartariaqarpugut – ilaqutariit “peqqissut” nukittorsarnissaat siunertaralugit.

Pinngortitamik ataqqinninneq, atoqqiineq, pilisarneq meeqqerivinniit utoqqarnullu ataqatigiimmik aaqqissuusaasumillu suliuniuteqarfigineqarnissaa anguniarlugu, Kommune Kujalleq tamakkerlugu asilerisumik siunnersortimik peqartariaqarpoq.

Meeqqat inuusuttullu ornittagaat siunertaqarnerusunik anguniartariaqarparput. Ukioq naallugu ammasarnissaat pisariaqartitsinerlu naapertorlugu ingerlanneqartariaqarpoq.

Inuusttunut piorsaavimmik Kommune Kujalleq peqalertariaqarpoq.

Timersornermi sunngiffimmilu siunnersortit qanimut anguniagaqarlutik suleqatigiinnerusariaqarput, meeqqanut, inuusuttunut utoqqarnut innarluutilinnullu sunngifffimmi timersornerlu kajuminnartuunissaa aqqutissiunniarlugu.

Inuutissarsiornerup suliffeqarniarnerullu pitsaasumik ineriartortinnissaat anguniarlugu inuutissarsiornerup ilinniartitaanerullu il. il ineriartortittuarnissaat iliuusissamik periusissaq susassaqartut peqatigalugit aqqutissiuunneqassaaq.