Qaqortoq
06.10.65
emoeller@greennet.gl

Emanuel Møller 51-nik ukiulik. Nuliaqarpunga, pingasunillu meeraqarlunga. Qaqortumi ilaqutariinnik sullissivimmi meeqqanut inuusuttunullu siunnersuisutut sulisuullunga. Rådgivningsassistent ilinniagaralugu sulillunga.
Inuusuttuullunga automekaniker ilinniagaqarpunga.
Qaqortumi qatserisartuni ukiuni 25-ni sulinikuullunga, piffissap affaa sinnerlugu aqutsisooqataallunga. Tassa aalajaassuseq.
Kalaallit Rødekorsiani pikkorissaasutut inissisimallunga naliginnaasumik aamma tarnikkut ikiueqqaarnermut.
Maanna Kommune Kujallermi kommunal bestyrelse-mut qinigassangortillunga Siumut Qaqortoq tunuliaqutaralugu.

Anguniakkakka

Kommune Kujallermi sunngifimmi, timersornermi, piorsarsimassuserlu atorluarlugit kivitseqataarusuppunga.
Amerlanerit pitsaasumik ilinniagaqalernissaat siunertaralugu, taamaasilluni inuussutissarsiorneq siuarsarneqarsinnaammat.
Innuttaasut amerliartoqqilernissaat siunertaralugu, taamaasillutalu susassaqarfiit amerlanerit aningaasanik kaaviaartitsillutik, inuit sulerusussuseqalersillugit.
Kommuunerpullu taamaasilluni akileraarutitigut isertitaqarnerulersinnaalluni
Ineriartortitsiteqataarusuttumik taasigit.

Kommunitta unammilligassaasa annersaraat:

  • Sulisorisat sulisoriinnarnissaanut qulakkeerinissaq.
  • Innuttaasullu kommunitsinni najugaqaannarnissaat.
  • Avataaniillu suliartortut, pisariaqarteqisagut, maaniiginnarnissaat.

Amerlanerusunik innuttaasoqarnikkut amerlanermik akileraarutitigut isaasoqarneq qulakkiissavaa. Taamatut pitsannermik innuttaasunut sullissineq pitsaaneq anguneqarsinnaasalluni.

Kommuunimi qinikkat suliassaasa ilagivaat, innuttaasut pitsaasumik sullinneqarnissaat aamma ineriartortinneqarnissaanut aqqutissiusuussallutik. Ineriartortuarnissaq pingaarpoq pisariaqarlunilu, taamatummi ingerlaneq innuttaqqortusiartuinnaavinneq qulakkeerinnittuusinnaagami.

  • Sunngiffik
  • Timersorneq
  • Piorsarsimassuseq

Isumaga malillugu siunissamut kivitseqataasussaapput, soorlu avataaniit nutserfigineqarnerulernissatsinnut kajuminnarsaatitut aqqutissiueqataasinnaapput. Sunngiffik peqqinnartoq kommuunitta tillerneranut ilisarnaatigileqqissinnaamagu. Sunngiffitsinni “anersaartorfeqarsinnaaneq” inuunerinnerilernissamut aqqutissiuillarsinnaammat.
Taamaammat Kommune Kujalleq piorsarsimassutsimut illorsuartaatariaqartoq isumaqarpunga.

Qulaani taaneqartut malillugit ukiumut aningaasanit isertumit 3,1% taamaallaat atorneqartarput, taannali kisimi isiginiarneqassanngilaq, inuttut pissarsiarineqartartut aningaasanut atorneqartunut naleqqersuunneqarsinnaanngimmata. Kommunitut uagut nammineq aqussinnaagatsigit (Naalakkersuisuniiunngitsoq), taamaattumik ineriartortissinnaallutigit. Nammineq kajumissuseq aallaavigalugu sulisut nersualaagassaaqaat taakkuuppummi aliikkutassaqartitsisuusartut.

  • Pingaartitat nanginneri:
  • Inunnik sullissineq pitsaanerusoq
  • Suliffimmik aallartisaaniartunut
  • Namminersulutik oqartussat suliffeqarfiisa nuunneqarsinnaanerat piaarnersoq.
  • Seqerngup nukingata atorluarnissaa.
  • Teknik-eqarneq inerisagassaavoq.
  • Nunaateqarneq uumassuuteqar-nerlu siuarsartariaqarput.
  • Takornariaqarneq siuarsarlugu.
  • Aalisarneq siuarsaaffigalugu.
    Nunamut tullaassinerulluni.

Inunnik sullissineq
Kommune Kujallermi inunnik sullissineq piorsartuartariaqarpoq. Ilaqutariit ataatsimoortillugit sullissineq ingerlanneqartariaqarpoq. Meeraq angajoqqaani qimannagit, ilaqutariit sullinneqarnerat ingerlanneqartariaqarpoq. Kommune Kujalleq illumik pilersitsisariaqar-poq, ilaqutariinnut ingerlariaqqiffissaanik ineriartortitsisumik. Angerlarsimaffik ulloq unnuarlu sulisoqarluni, aammalu katsorsaa-nermi ikorfartuillutik sulisut.

Namminersulutik oqartussat suliffeqarfiisa nuunneqarsinnaanerat.
Nuutiterinissaq piaarnerpaamik aallartittari-aqorpoq. Naligiissumik atugassaqassagutta.

Teknik-eqarneq inerisagassaavoq.
Aqqusinertigut angallanniarneq ukiuni kingullerni kipiluttunarsiorfiusimavoq. Pisuinnaat aqquserngi aammalu biilit aqqutaat. Naammakkunnaarpoq imak oqartoqartarnera; Aqqusinerni nivattaaneq namminersortuniit ingerlanneqarpoq uagullu susinnaanngilagut. Naamik anin-gaasat kommuunimiit tunniunneqartartut pissusissaannut atorneqartarnersut Komuunemiit malinnaavigineqartariaqar-put, (kvalitets sikring). Ajunngitsumik suliassaq suliarineqartarnersoq qulakkeerlugit. Tulluangilarmi oorinik tunisiinnariarluni tunuinnarneqartarnerat namminersortut. Qulakkeertariaqarparput atuisut toqqissisimanartumik sullinneqarnissai.

Aatsitssarsiorneq.
Aatsitassarsiorneq aallartittariaqalerpoq. Avatangiisinut inunnullu ulorianartorsiortitsi-ngitsunik aallartitsisoqarnissaa piaartumik pisariaqarpoq. Aammalu nunaqavissut suliso-rinissai pingaarluinnarpoq. Aatsitassarsiornermi ilinniarfik kujataani immikkoortortaqartariaqarpoq ilinnialersartut affaasa missai Kommune Kujallermeersuusar-neri eqqarsaatigissagaani pisariaqarluinnar-poq tamanna.

 

Seqerngup nukinga.

Kommune Kujalleq siuttungortitsigu siunissami nutaanik sanaartortoqartillugu seqerngup nukingata atorlugu kiassarneq –  sarfaq pilersinneqartoq atorluarlugu. Olie avataaniit tikisinneqartartoq taamaasilluta killilersinnaavarput. Illuutit pioreersut nutarterneqarneri ilutigalugit nukissiuutinik pilersorneqartariaqarput.  Atuisut aningaa-sartuuteqarnissaat annikillisarnissaa siunerta-ralugu. Nammineq misilittakkakka malillugit nukiliuutit atorluarsinnaasarput.  

 

Suliffimmik aallartisaaniartunut  siunnersuisoqalertariaqarpoq.

Siunissami suliffimmik aallarnisaaniartut periarfissaalersitsigu siunnersorteqalernissaq. Periarfissat atorluarlugit nutaaliornissaq pisariaqarpoq, pingaartumik ukunani ataani taaneqartut aningaasaliiffiusinnaasutut , Greenland Business aamma Greenland Venture suleqatigalugit;

 

  • Aalisarneq
  • Takornariaqarneq
  • Nunaateqarnermi / uumasuuteqarneq
  • Aatsitassarsiorneq


Nunatsinni aalisagaq pisarineqartoq pisiniarfinnut pisiareriaannangorlugu inerisartariaqarpoq. Nunatsinni aningaasat kaaviiaarneri qaffatsinneqarlutillu suliffiit ataavartut pilersinneqarsinnaassammata.

Takornariaqarneq DSG, tassa kujataani takornarialerisut suleqatigiiffiat, suleqatigalugu inerisaavigineqartariaqarpoq.
Aninngaasaliinissamut periarfissat Greenland Business aamma Greenland Venture suleqatigalugit.

 

Ineriartortitsiteqataarusuttumik taasigit.

Emanuel Møller

–      Isit nutaat

–      Nukiit nutaat